السلام عليكم ورحمة الله وبركاته
فـ الفترة الاخيرة بقينـا الاخر فـ كل حاجة وفـ كل مجـال
كلامى مش على مصر كدولة منفردة لا كلامى علينـا كمصريين وكعرب وقبل كل شئ ك مسلمين موحدين بالله
اصبح لفظ دول العالم التالت يطلق على كل الدول العربية بلا استثنـاء
دول متخلفة .. دول جاهلة .. دول مستهلكة.
" شعوب متخلفة "
كلمة سمعتها كتير اووووووى واتقالت قدامى كتير جدا من ناس عرب عايشين فـ دول اجنبية ومن اجانب كتير
اكيد كلنـا سمعناها وحسيناها وشفناها فى التلفزيون ف كلامنا مع صحابنا فـ الشـارع فى تعاملنا مع ال حوالينـا وتصرفات الناس مع بض.
بس ازاى مطلوب منى اصدق كل الكلام دة وربنـا سبحانة و تعالى قال " كنتم خير امة اخرجت للنـاس "
يعنى احنا مش من الافضل لا احنا الافضل
كلمة مطلقة بكل ما تحملة الكلمة من معانى.
والتفضيل هنـا مش علشان ذكائنـا ولا موقعنا ال العالم كلة بيحسدنـا علية ولا علشـان العبقرية ال بيتميز بيها كل العرب.
لا عشـان فينـا دين اعزنـا الله به
هو الاسلام
وعندنـا قران وسنة بنمشى عليها وبنطبقها فـ حياتنا.
لكـن للاسف دلوقتى شوفوا حالنـا اصبح ايه .....!
شوفوا بقينـا اخر دول العالم فى كل حاجة لية ......!
لية دة كلو وعشـان اية نبقى اكتر شعوب العالم ذل ومهانة
رسولنـا علية الصلاة والسلام قـالنـا "تركت فيكم ما إن تمسكتم به لن تضلوا ابدا كتاب الله وسنتي"
فين احنا دلوقتى من الكلام ده
حد يقدر يجاوبنى كام واحد مواظب على الصلاة ....!
كام واحد بيحافظ على السنن ....!
كام واحد بيحاول بجد انة ميغلطش....!
وجايين نسـأل لية احنا كدة
ولية بيحصل فينـا كدة
لية الدنيـا كلها بتختلف بينها وبين بعض
ولمـا يبقا العدو هو الاسلام تلاقيهم كلهم اتفقوا وكلهم اصبحوا ايد واحدة
طالما الضحية هو الاسلام والمسلمين.
صح اننا شعوب متخلفة
واسف فـ الكلمة بجد
لكـن دى حقيقة والعالم كلة عارف كدة.
بس ازاى نبقى شعوب متخلفة واحنـا اصل الحضـارة
الوقت ال كان المسلمين والدول الاسلامية بتعيش ازهى عصور الحضـارة والتقدم
كانت اوربـا بتتخبط فـ بعضها من التخلف والجهل وتسلط حكامهم عليهم.
قـارنوا بين وضعنا دلوقتى و وضعنا زمـان
دولة كل يوم اكبر من ال قبلة وكل يوم فتوحات وانتصـارات جديدة
وناس جديدة بتدخل فـ دين الله وحضـارة بتكبر وبتزيد كل يوم
وبينـا دلوقتى
نـاس مش لاقية تعيش وناس عايشة اسمـا فقط
وشعوب مدمرة تماما من كل شئ
حتى الامل والحلم نجحوا انهم يخلونـا نيــأس منه.
اية الفرق بينـا وبينهم
ليه همـا عملوا كل حاجة واستحقوا انهم يكونوا خير امة اخرجت للنـاس فى زمانهم
واحنـا سبنـا كل حاجة وبقينـا من اسوء الفترات ال بيمر بيها المسليمن فـ كل مكان
ممكن بسبب العلم والتعليم او يمكن عشـان الفسـاد ال فـ كل مكـان ...!
يمكن كل الكلام دة صح..
طيب ما نشوف سيدنـا ابوبكر وسيدنـا عمر الفاروق
حد منهم كان معاه شهادة بكالوريوس او دكتوراة ....!
لكـن رغم دة كلة همـا الاصل فـ اننا بقينـا مسلمين
همـا الاصل ف بناء دولة المسلمين ال حكمت اكتر من نصف العالم
همـا السبب فـ اننا بقينـا اكتر من مليـار ونصف مسلم.
لية عملوا كل دة واحنا مش قادرين حتى نعيش دلوقتى.
كلمـات قرتها مرة فضلت موجودة جواية على طول
أيا أمتي آن الأوان لتسمعي *** حديثا مع التاريخ حرك لوعتي
أجب أيها التاريخ حدث بما مضى *** وقل كيف سجلت المعالي بدقة
أفق أيها التاريخ أدرك حقيقتي *** فعن نهج ديني لن تضل مسيرتي
أفق وانتظر من أمتي وثباتها *** فلن يقف الأعداء في وجه وثبتي
فلي من كِتابِ اللهِ أَعظمُ رائدٍ ***** و مِنْ سُنَّةِ العَدْنانِ أَعْظَمُ قُدْوَةِ
وكَيْفَ يَنالُ اليَأْسُ قَلْبًا مُوَحِّدًا ***** إلى اللهِ يَرْنو مُؤْمِنًا كُل لَحْظَةِ
طالما بعدنـا عن الطريق الصح وتخلينـا عن دينـا مصدر عزتنـا وقوتنـا
يبقى ليهم حق يقولوا علينـا شعوب متخلفة ودول عالم تالت.
مجاش الوقت عشـان نعمل حاجة صح فـ حياتنا ...!
مجاش الوقت نعمل حاجة عشـان لما نقف قدام ربنـا ويسـألنـا عملتوا اية ف حياتكم ال عشتوها ...!
مجاش الوقت عشـان نسابق بعض فى عمل الصح والخير ...!
مجاش الوقت عشـان نرفع راية دينـا فى كل مكـان .!
نبدأ بنفسنـا وبـاهلنـا وبـأصحابنا
نحاول نكون صح فـ كل حاجة
نخلى دينـا هو قانون حياتنا ال بنمشى علية
اكيد المشوار طويل قدامنا
فية مقولة بتقول "بداية تلك الشجرة العالية بذرة صغيرة "
خلينـا نكون احنـا البذور
يمكن تشفعلنـا يوم الحسـاب اننا حاولنـا نعمل حاجة ونصلح حوالينـا
محدش يقلل من نفسة ابدا ويقول يعنى هتيجي عليا انا
هو انا لا هقدم ولا هـأخر يعنى الاسلام واقف عليا انى اشتغل
ثق انك طالما فكرت كدة يبقى غيرك ملايين فكروا فى نفس الفكرة
وبردة غيركم ملايين عملوا حاجات وقدموا حاجات كتير جدا
حتى ولو كانت بسيطة اوووووى
نورى ربنـا من نفسنـا خير واننا بنتغير عشـان ربنـا يغير ال حوالينـا
واحنا داخلين على اجمل ايـام فى السنة كلها شهر شعبان ورمضـان
نستغلها فـ حاجة مفيدة نخدم بيها دينـا ونفسنـا
وتكون حٌجة لينـا بـاذن الله عند ربنا يوم الحسـاب.
اسف علي الاطاله واتمنى لو واحد فقط يستفـاد من كلامى.
ليه بيقولوا علينا كده!!!!!!!
