يه رجعنى ليه تانى مع انى بعدت بمزاجى
ممكن تقعد تفكر مع نفسك مره وتقول ...هو ليه ربنا بيكرمنى كده ...مع انى وحش..بعمل ذنووب كتيير ...وبأبارزه بالمعاصى ...و ما استهلش كل ده.......
ليه صحانى من النوم على وقت الفجر ووفقنى انى اصلى.....مع انى كنت كسلانه ومش ناويه اقوم ولا اصلى ومصممه على كده..........وفى لحظه تشيل الغطا من عليك وتقووم تصلى ......وبنفس كماااان وخشوووع
اقوللك ليه؟؟؟؟؟؟؟؟؟؟؟
انت نسيت انك كنت واقف بين ايديه مره - قبل ما تبعد عنه بمزاجك- وفى لحظه صدق كنت بتدعيه بإخلاص وانت ساجد وتقول له..... يا رب ما تبعدنيش عنك مهما حصل.....يا رب رجعنى لييك دايما مهما بعدت....يا رب ثبتنى ع الايمان ده يا رب ثبتنى....انا فرحان كده.....بس مش عارف انا ببعد عنك ليه؟؟؟؟؟.. وكانك بتستنجد بيه وخايف لحظه الايمان اللى انت فيها دى ما تجيش تانى......و انك تبعد وتتعب.........
وفى ساعتها بتبقى بتقول الكلام ده وقلبك مليان اخلاص وايمان ........وبتبقى فعلا مش عايز تبعد عن ربنا فى اللحظه دى لانك بتبقى دايق حلاوه الايمان فى قلبك.......
انت دعيت وخلصت الدعاء وخلصت الصلاه وقمت و شلت المصليه.....وانشغلت باى حاجه بعد كده ....ونسيت اصلا انك دعيته....بس ربنا ما بينساش........ما نسيش دعائك اللى انت اصلا نسيته....
نسيت انت بعد كده فرحتك وانت قريب منه.......و بعدت وبعدت كتييير عنه...........وفى عز ما انت حاسس انك وحش......وسايب الفجر بمزاجك ونايم.....تلاقى ربنا صحاك وخلاك تصلى وتستغفر ذنوووبك..........وتقعد بعد كده تسال نفسك......طب ليه ربنا بيكرمنى كده مع انى بعصيه.....ليه ربنا رجعنى ليه تانى مع انى بعدت بمزاجى
وممكن برضه تسال .....طب ليه ربنا اكرمنى اصلا وخلانى ادعي بالثبااات........ووفقنى للدعاء ده اللى بيكرمنى بيه تانى وتالت ....... مع انى برضه قبلها كنت بعصيه .....
ده عشان ربنا الرحيم بيوفقنا اننا ندعيه فندعيه فيستجيب فيكرمنا بالدعاء ده ..ويخلينا نرجع تانى ويصحينا ع الفجر فنقووم وندعيه فيكرمنا تانى بالدعاء ده....وهكذا..و نقعد نلف فى دايره مغلقه..........
زى ما سيدنا موسى كان بيقول......يا رب كيف اشكر نعمتك على وشكرى لك نعمه تستحق الشكر..............
كل ده عشان ربنا رحييم قوى قوى بينا...احن من امهاتنا علينا......عايزنا دايما نبقى مبسوطيين.......وعمرنا ما هنحس بانبساط ولا بسعاده اكبر من السعاده اللى بنحسها واحنا قريبين منه.........
و ده كمان بيدل على ان قد ايه الانسان ده مخلوق ناقص...و ان الكمال لله انه بيرحم ضعف و نقص الانسان اللى هو خلقه و اللى هو ادرى بيه من اى حد
ده كان زى كده حوار مع النفس....بتهيقلى بيحصل لناس كتيير.......
...يا رب كيف اشكر نعمتك عليى وشكرى لك نعمه تستحق الشكر......
الهى دنياي غرتنى وعفوك غرنى.. :-f: ما حيلتى فى هذه او ذاك :-f:
يارب انا بجد نفسى ارجعلك تانى :-f: :-f:
اللهم اغفر لنا ذنوبنا واسرافنا فى امرنا وثبت اقدامنا
يارب يا خير مجيب ..انت من الوجدان قريب...اجمعنى برسول الله..فهو لهذا القلب طبيب :-f:
كلمات بسيطة اتمنى انها تعجبكم
واكيد كلنا بداخله بيقول كده وبيسال نفسه نفس السؤال بتاعى(ليه رجعتنى تانى مع بانى بعدت بمزاجى؟؟؟)
تحيااتى لكم,,
Maryam Aboelinin
ليه رجعنى ليه تانى مع انى بعدت بمزاجى???
