الطلاب يرفضون بدء الدراسة 20 سبتمبر .. ويهددون بمقاطعة المدارس والجامعات

قالت تقارير صحفية ان طلاب المدارس والجامعات اكدوا ضرورة تأجيل الدراسة إلي ما بعد اجازة عيد الفطر المبارك.
وقالت صحيفة المساء شبه الحكومية ان الطلاب اعلنوا رفضهم الذهاب إلي المدارس والجامعات إذا تم تنفيذ هذا القرار.
واشاروا إلي ان التاجيل 15يوماً لن يؤثر علي العملية التعليمية.
وقالت الصحيفة ان الطلاب اكدوا ان الاستيعاب خلال أيام الصيام سيكون صعباً وان بدء الدراسة بعد العيد افضل وانهم الادري بمصلحتهم.
ونقلت عن كثير من أولياء الأمور ايضاً رفضهم القرار.
وقالت ان اسبابهم تتلخص في ان الاعباء المادية ستزيد عليهم في حالة بدء الدراسة 20 سبتمبر المقبل حيث سيكونون مطالبين بمصاريف شهر رمضان والعيد والمدارس.. أي انها ثلاث خبطات في الرأس مرة واحدة.
كان نظيف قد أعلن أن العام الدراسي الجديد سيبدأ كما هو متفق علية في يوم السبت 20 سبتمبر ، وهو ما يتوافق مع العشر الأواخر من شهر رمضان المبارك.
وقال إن تحديد موعد العام الدراسي الجامعى يتم من خلال المجلس الاعلي للجامعات.

حسبى الله ونعم الوكيل فيهم

يا سلام لو ده يحصل يبقي احلي خبر يا احمد
وانا مع الطلبه دول عاوزين نعمل مظاهرات بقي

ههههههههههههههه
خلاص
يللا كل الطلبه تخرج تعمل مظاهرات من بكره
ويطالبوا بتأجيل الدراسه لبعد العيد ان شاء الله

والله المفروض ياجلو الدراسه لبعد العيد
مش هتفرق كتير يعني هما اسبوعين
يارب تتاجل الدراسه
:ya rab:

انا كمان معترضه
ومش هروح المدرسة غير بعد العيد
لان كدا حرام عليهم هيبقى مدرسة ودروس ومذاكرة
والاهم التلفزيون :hehe:
طبعا بهزر العباده الاهم فى الشهر ده وفى كل الشهور
كله ده حرام والله
شكرا عالخبر يا احمد

شكرا على مروركم ياسااااااره وعمر ورضوي
وهى المفروض كانت تتأجل
يعني كانت مش هتفرق كتير
دول 15 يوم
وبعدين مفيش حد هيروح مدرسه او جامعه فى ال15 يوم دول

لالالالالالالالالا

انا عارفة انى هتضرب منكو ...بس فعلا انا عايزة ادخل يوم 20

لان احانا لو دخلنا بعد العيد هيبقى الامتحانات امتى ..فا هيبقى صعب وانتو اصلا كدة كدة

مش فى حد بينزل فى رمضان ولا ايه...

شكرا...

شكرا سمر على مرورك
بس هي الدراسه هى اللى تتأجل اسبوعين وخلاص
انما الامتحانات هتكون في مواعيدها زي كل سنه
مش هتتأجل ولا حاجه

مش هنسلم مش هنبيع مش هنوافق على الرجوع
مين هيعمل معايا المظاهره انا هخرج بكره اول ما اصحى من النوم نتقابل
عند سلنترو ناخد نسكافيه وبعدين نطله بالمظاهره ماشى
هههههههههههههههههههههههههههههههههههههههههههههه
شمرا يا احمد على الموضوع

هههههههههههههههه
شكرا يارنا على مرورك
بس انتى اللى هتمشي فى المظاهره لوحدك
علشان كله بيخاف يمشي فى مظاهرات دلوقتي

ههههههههههههههه
ايه ده يعنى هتبعونى مش كده
احنا نوزع منشورات طيب

هههههههههههههه
انا مستعدة انزل معاكى
لان فعلا دا استغلال مش فرقة 15 يوم
وبعدين اعتقد ان القرار ده نازل مخصوص
لاشغال الناس عن الاعتكاف فى المساجد العشر الاواخر
ربنا ع الظالم

انا بصراحة مش فارقة
عشان كده كده
ماحدش بيروح المدارس فى رمضان
بس ياريت ياجلوها عشان اولياء الامور هما اللى بيتعبوا
احنا لو علينا مش عايزين دراسة خالص
بس برده طالب العلم ده
يعتبر من العبادات
وكمان انا طماعة وبحب اخد ثواب الصيام
والمدرسة والدراسة والمواصلات
شكرا يا احمد

DAWAALESLAM كتب:: هههههههههههههه
انا مستعدة انزل معاكى
لان فعلا دا استغلال مش فرقة 15 يوم
وبعدين اعتقد ان القرار ده نازل مخصوص
لاشغال الناس عن الاعتكاف فى المساجد العشر الاواخر
ربنا ع الظالم

لا يا ايه مش لدرجة انهم عاوزين يشغلوا الناس عن العباده والاعتكاف
بالعكس انا عرفت انهم مش عاوزين يأجلوها علشان يعني دول الغرب اوربا وامريكا مش يقولوا ان المسلمين مش بيشتغلوا فى رمضان وان الصيام بيكسلهم عن الشغل
دا الكلام اللى هما قالوه
بس برضه يعني ربنا بقي اعلم بالنوايا

مجنونة ابوتريكة كتب:: انا بصراحة مش فارقة
عشان كده كده
ماحدش بيروح المدارس فى رمضان
بس ياريت ياجلوها عشان اولياء الامور هما اللى بيتعبوا
احنا لو علينا مش عايزين دراسة خالص
بس برده طالب العلم ده
يعتبر من العبادات
وكمان انا طماعة وبحب اخد ثواب الصيام
والمدرسة والدراسة والمواصلات
شكرا يا احمد

هههههههههههههه
دا انتى طماعه اوي ياسلمي
عاوزه تاخدي الثواب ده كله لوحدك

يلا معلش ربنا يكون في عنكوا:arrow:
احنا الدراسه عندنا هتبدا بعد العيد

MO
:-f: اتمنى ان الهم يتأجل

يااااااااااااااااااااااااااااااااااااااااااااااااااااااااااااا رب :ya rab:
شكرا يا احمد
امانى................................................MONMON

اللى فى الخير يقدمه ربنا
شكرا ع الخبر

شكرا على مروركم اللى اسعدني
ومتهيألي كده انها مش هتتأجل
اصل الحكومه بتاعتنا مش بترجع فى كلامها تاني

بجد انا نفسى تتاجل لبعد العيد لان كده حرااام
واصلا مش بنبقى مركزين فى رمضان عشان الصيام وكده
ومفهاش حاجة لو 15 يوم يتاجلوا

لا يا احمد
دا عصب السنة كلها وبعدين
احنا مالنا ومالهم احنا غيرهم ومفيش
كسل ولا حاجة
وبينى وبينك كده احسن علشان انا فى ثانوية
واهو ال 10 ايام دول يكفوا اوى فى المدرسة

» مصر تؤجل الدراسة حتى 3 اكتوبر لمواجهة انفلونزا الخنازير
» الحكومة تدرس تأجيل الدراسة إلى ما بعد إجازة عيد الفطر
» استطلاع لمصراوى: أغلبية الطلبة لن ينتظموا في الدراسة خلال رمضان
» هاني هلال‏:‏ انتظام الدراسة وإعلان الجداول بدءا من يوم السبت بالكليات
» محامو الإسكندرية يرفضون قانون المحاماة وانقسام في بورسعيد.. واعتصام في طنطا