أوباما يصالح المسلمين اليوم..من جامعة القاهرة

sammar كتب:

فعلا حدث عالمى بجد

ويارب يكون خير على البلاد العربية كلها

بس ممكن حد يجيب الفيديو بتاع الخطاب عشان مشفتوش كلة

بجد راجل محترم جدا وكلامه روعه ويجبرك انك تحترمه
وبيوزن كلامه قبل مايقوله يعنى قال كلمه حلوة فى المسلمين وراح متكلم عن اليهود اللى اتحرقوا فى المانيا اتكلم عن اللى بيحصل فى فلسطين واتكلم عن اليهود ولازم يكون فى دولتين فلسطنيه ويهوديه واتكلم عن حماس وعن دور الملك عبد الله فى الايغاثات وغيره
عشان هو عارف لو غلط فى حد هياخد فوق دماغه اكيد مش مننا هو مش عايز يخسرنا واكيد مهم عنده علاقته باسرائيل وقال انه لما كان عايش فى ماليزيا كان بيسمع ادان الفجر وان المسلمين بيدعوا لسلام وقال ان القوات الامريكيه هتخرج من العراق وانهم هيساعدوا العراق من غير التدخل فى شئونها وان معتقل جوانتاناموا هيتقفل على بدايه السنه الجديده وانه هيكتر المنح الدراسيه لامريكا وانه بيحترم المرأه اللى بتعيش حياه تقليديه يعنى تقعد فى بيتها ومش تشتغل بس اهم حاجه انه يكون برغبتها وان مراته ماجتش معاه عشان بناته عندهم امتحانات
بس اكتر حاجتين عجبتنى انه اول مادخل قال السلام عليكم واقتبس ايات كتيرة من القرأن وايه من الطوراه وايه من الانجيل وانه فى الاخر قال السلا عليكم ورحمه الله وبركاته
ده كان ملخص الخطاب اللى قاله براك حسين اوباما